目前日期文章:200807 (8)

瀏覽方式: 標題列表 簡短摘要
其實我部手機早排已經有幾粒按鈕神神地,

導致有部份功能用唔到!

(不過打出打入電話無問題)

適逢當時蘋果剛宣傳新唉瘋,

講到話一九九咁平!

當然引頸以待…

不過世事原來真是無咁大隻“鴿那”隨街跳!

就咁…最終放棄唉瘋而選擇咗呢部:



我都知紅色係好“娘”,

不過近排黑過墨斗…

點都想搵個紅色旺旺它!

總之平平地玩下咁喇!

Ahfour 發表在 痞客邦 PIXNET 留言(0) 人氣()

睇番我出發的八月十四果日,

原來竟然是農曆七月十四!

真是…

唔通呢的真是叫劫數難逃?

Ahfour 發表在 痞客邦 PIXNET 留言(2) 人氣()

經歷過無數的失敗同撞版、今次的零八日遊終於有個初步定案。

去程:八月十四日0130起飛、落羽田機場

回程:八月十七日2030羽田起飛

究竟我呢個四日三夜短程遊有幾難…

首先、我偶像攪得function的日子、基本上大部份日子必定是假期(唔係搵鬼睇!)

呢個亦可以講是我痛苦的宿命!

而八月十三至十六呢幾天,是日本一個叫‘お盆’的全國性假期。

(其實我到依家都未知呢個是乜節目?)

簡單的講是搭車塞車、訂房無房、火車迫爆…

(ec2度已有人話呢段日子京都訂唔到房!)

事實上果邊都警告我話好難訂酒店房。

所以第一件事即託意粉幫忙、訂定十五號晚的酒店,以免睇完show後訓街…

而之後再plan行程時、果然好多平靚正的住宿都滿晒!

幾經反覆的組織之下、終於定稿如下:

Day1:香港–羽田機場–新宿–富士急遊樂場–河口湖(宿:河口湖)

注:我都話咗要避世…所以第一日頭也不回逃離東京、老實講、河口湖並不是我的第一選擇,至於我原本的第一選擇是乜?請留意下回分解,至於揀河口潮的原因…受小彭影響呱(笑)!當然我落腳的地方同她差好遠。

是日行程以簡單輕鬆為主、務求養足精神明天睇show。

Day2:河口湖–新宿(酒店放低行李)–台場–?–新宿(宿:新宿)

Day3:新宿–百人町(轉間平價酒店)–上井草–中野–秋葉原–百人町(宿:百人町平價酒店)

Day4:百人町–龜有–代代木–羽田機場–香港

Day5:返工(最辛苦係呢日)

Ahfour 發表在 痞客邦 PIXNET 留言(3) 人氣()

  • Jul 09 Wed 2008 20:01
  • 天意

其實、我覺得好多野是天意…

今次神推鬼拱咁攪出咁多事情(係唔單止出錯機票咁簡單!)

完全係個天體諒我、知果便會好熱,

所以等我辛苦少幾日、唔好中暑,

加上依家米貴

所以等我多幾個錢傍身!

唔使第日真是要乞米,

你話個天對我幾好!

Ahfour 發表在 痞客邦 PIXNET 留言(2) 人氣()

事情終於有了初步結果,

未來仍需留在舊公司捱世界,

但恊調之下,假期由八天變四天。

咁惟有實行plan B!

其實對依家間公司已無太大留戀,

時機成熟的話、走是遲早事情,

遲遲不行動是要遷就我“唔知幾時”的日遊!

其實呢年來見我無晒火氣、成個人謝晒咁、就知我其實都幾唔開心…

Ahfour 發表在 痞客邦 PIXNET 留言(3) 人氣()

未來數天相信會做一個決定!

呢個決定可能會影響我下半生、

是豐衣足食定是乞米渡日…

可能有人會話我儍、

不過平時忍氣吞聲都是為呢個目標,

家陣觸動到我的底線,

就老豆都無得傾!

Ahfour 發表在 痞客邦 PIXNET 留言(1) 人氣()

  • Jul 05 Sat 2008 01:08
  • 大鑊

在無可選擇之下、終於決定搭西北…

今日出機票、一睇:吓!十八號返!!

我明明話十一號去、十七號返架?!

由於張飛是托上托搵人出的平價團飛,

問過話無得改、咁點算?

Ahfour 發表在 痞客邦 PIXNET 留言(2) 人氣()

八月份的東京,

唔單止天氣熱、如無意外重應該成街香港人,

所以有乜法子唔走!

我唔想聽見廣東話…

尤其台場果日更會撞到唔少香港人,

故此其餘日子可免則免!

現時心目中有兩個plan

plan A)
先搵處無乜香港人的地方relax番二三日,

然後至落番東京睇show,

在東京的逗留時間頂籠三二日。

我覺得最理想是東京以外地方著陸,

用火車證周圍行,

當然當中有個心理因素在內,

就是覺得直接東京來回太刻板,

因為已經試過多次,

而去旅行係想嘗試下的新鮮事嘛!

無錯呢個是有點不理性同吹毛求痴,

不過…去旅行就是滿足自己嘛

如果成事的話,當然是去足七日,

用盡張火車證。

plan B)
唔出火車證,只在東京附近範圍遊蕩。

咁只會去五至六日,

全個旅程以輕鬆舒服為主,

無謂辛苦自己!

其實個人覺得最relax的事,

就是座係新幹線列車上,

因為果幾個鐘頭之內,你只有幾樣野可以做:

1.食飯 2.訓覺 3.睇風景 4.睇書

到落車的時候又是另一番風景!

唔趕車趕船的話,加上坐新幹線的舒適,

是一番唔錯的享受!

但前題是有足夠的時間去籌劃,

如果碰上特價機票更是相得益彰,

但問題是我家下唔夠時間慢慢度嘛!

機票要呢個禮拜落實,因為下個禮拜一,

我就要覆實放假問題!

過後就無得改。

至於錢…我更加無!

所以都算幾頭痕架!




Ahfour 發表在 痞客邦 PIXNET 留言(0) 人氣()