睇番我出發的八月十四果日,

原來竟然是農曆七月十四!

真是…

唔通呢的真是叫劫數難逃?

Ahfour 發表在 痞客邦 留言(2) 人氣()

經歷過無數的失敗同撞版、今次的零八日遊終於有個初步定案。

去程:八月十四日0130起飛、落羽田機場

回程:八月十七日2030羽田起飛

究竟我呢個四日三夜短程遊有幾難…

首先、我偶像攪得function的日子、基本上大部份日子必定是假期(唔係搵鬼睇!)

呢個亦可以講是我痛苦的宿命!

而八月十三至十六呢幾天,是日本一個叫‘お盆’的全國性假期。

(其實我到依家都未知呢個是乜節目?)

簡單的講是搭車塞車、訂房無房、火車迫爆…

(ec2度已有人話呢段日子京都訂唔到房!)

事實上果邊都警告我話好難訂酒店房。

所以第一件事即託意粉幫忙、訂定十五號晚的酒店,以免睇完show後訓街…

而之後再plan行程時、果然好多平靚正的住宿都滿晒!

幾經反覆的組織之下、終於定稿如下:

Day1:香港–羽田機場–新宿–富士急遊樂場–河口湖(宿:河口湖)

注:我都話咗要避世…所以第一日頭也不回逃離東京、老實講、河口湖並不是我的第一選擇,至於我原本的第一選擇是乜?請留意下回分解,至於揀河口潮的原因…受小彭影響呱(笑)!當然我落腳的地方同她差好遠。

是日行程以簡單輕鬆為主、務求養足精神明天睇show。

Day2:河口湖–新宿(酒店放低行李)–台場–?–新宿(宿:新宿)

Day3:新宿–百人町(轉間平價酒店)–上井草–中野–秋葉原–百人町(宿:百人町平價酒店)

Day4:百人町–龜有–代代木–羽田機場–香港

Day5:返工(最辛苦係呢日)

Ahfour 發表在 痞客邦 留言(3) 人氣()

  • Jul 09 Wed 2008 20:01
  • 天意

其實、我覺得好多野是天意…

今次神推鬼拱咁攪出咁多事情(係唔單止出錯機票咁簡單!)

完全係個天體諒我、知果便會好熱,

所以等我辛苦少幾日、唔好中暑,

加上依家米貴

所以等我多幾個錢傍身!

唔使第日真是要乞米,

你話個天對我幾好!

Ahfour 發表在 痞客邦 留言(2) 人氣()

事情終於有了初步結果,

未來仍需留在舊公司捱世界,

但恊調之下,假期由八天變四天。

咁惟有實行plan B!

其實對依家間公司已無太大留戀,

時機成熟的話、走是遲早事情,

遲遲不行動是要遷就我“唔知幾時”的日遊!

其實呢年來見我無晒火氣、成個人謝晒咁、就知我其實都幾唔開心…

Ahfour 發表在 痞客邦 留言(3) 人氣()

未來數天相信會做一個決定!

呢個決定可能會影響我下半生、

是豐衣足食定是乞米渡日…

可能有人會話我儍、

不過平時忍氣吞聲都是為呢個目標,

家陣觸動到我的底線,

就老豆都無得傾!

Ahfour 發表在 痞客邦 留言(1) 人氣()

  • Jul 05 Sat 2008 01:08
  • 大鑊

在無可選擇之下、終於決定搭西北…

今日出機票、一睇:吓!十八號返!!

我明明話十一號去、十七號返架?!

由於張飛是托上托搵人出的平價團飛,

問過話無得改、咁點算?

Ahfour 發表在 痞客邦 留言(2) 人氣()

八月份的東京,

唔單止天氣熱、如無意外重應該成街香港人,

所以有乜法子唔走!

我唔想聽見廣東話…

尤其台場果日更會撞到唔少香港人,

故此其餘日子可免則免!

現時心目中有兩個plan

plan A)
先搵處無乜香港人的地方relax番二三日,

然後至落番東京睇show,

在東京的逗留時間頂籠三二日。

我覺得最理想是東京以外地方著陸,

用火車證周圍行,

當然當中有個心理因素在內,

就是覺得直接東京來回太刻板,

因為已經試過多次,

而去旅行係想嘗試下的新鮮事嘛!

無錯呢個是有點不理性同吹毛求痴,

不過…去旅行就是滿足自己嘛

如果成事的話,當然是去足七日,

用盡張火車證。

plan B)
唔出火車證,只在東京附近範圍遊蕩。

咁只會去五至六日,

全個旅程以輕鬆舒服為主,

無謂辛苦自己!

其實個人覺得最relax的事,

就是座係新幹線列車上,

因為果幾個鐘頭之內,你只有幾樣野可以做:

1.食飯 2.訓覺 3.睇風景 4.睇書

到落車的時候又是另一番風景!

唔趕車趕船的話,加上坐新幹線的舒適,

是一番唔錯的享受!

但前題是有足夠的時間去籌劃,

如果碰上特價機票更是相得益彰,

但問題是我家下唔夠時間慢慢度嘛!

機票要呢個禮拜落實,因為下個禮拜一,

我就要覆實放假問題!

過後就無得改。

至於錢…我更加無!

所以都算幾頭痕架!




Ahfour 發表在 痞客邦 留言(0) 人氣()

  • Jun 30 Mon 2008 22:20
  • 頭痕

八月中、機票的確好貴…

初步問過,去東京最平還是NW,價錢屬二到尾,加加埋埋約三千六攪掂!

但我又唔太想齋東京…

一來呢個時間東京會好熱!

二來睇完三杉純個遊記、自己都有的心郁郁!

好想出張火車證周圍行下…

以下暫時是我想去的:
1)八月十五日/台場 想去度:★★★★★(睇演唱會、去日本都是為佢)
2)富士急樂園/1:1的高達 想去度:★★★★☆(成年前已經想去)
3)秋葉原 想去度:★★★☆☆(唔去下唔安樂)
4)KITTYLAND  想去度:★★★☆☆(買份結婚禮物俾朋友)
5)去大板/約劉鄧食餐飯  想去度:★★★☆☆(未試過兼舊年有的地方想去而未去)
................

家陣問緊其它地方,如仙台之類的價錢,不過明日是假期,怕且要等星期三至知!

大家有乜提議可以引誘下我,等我多的理由去出張火車證!

Ahfour 發表在 痞客邦 留言(1) 人氣()

  • Jun 29 Sun 2008 14:14
  • 始動

由於公司迫我清假,

加上自己都想放大假過日本行下,

加上八月中我偶像有個“穌”(但唔係我原本想睇果個!)

加上日本果便覆我話無問題,

所以臨時臨急決定八月中過日本走一轉,

今次是決定得最急同籌備時間最短的一次!

Ahfour 發表在 痞客邦 留言(1) 人氣()

好辛苦終於捱完第一集的字幕版!

如何辛苦法轉頭再說,

總而言之是之後心有不甘,

找來高清無字幕版再看一次,

馬上當堂舒服番晒!

這戲攝影之美,絕對足以拿來作教材,

就以opening一段來說,

每人出場時都穿上白衫,

但每個人身上那點白都有所差異,

加上全白色的背景和道具,

出來的效果竟是出奇的有層次感!

印象中只有本地的一本飲食書,在很早期的封面玩過一次類似的構圖,

但那次是靜態的,而今回卻是動態的,

當然全靠高清攝錄才有這個效果:












其實除了op以外,還有很多場面可以看出攝影師的功力,

像以下這幅:


髮廊內那些淡黃色的燈,往往很容易影響色溫,令整體顏色走樣!

但請看看正中間女演員的白色間條衫,還有手上的白紙,右方茶几上的白毛巾,女主角身上的白衫,還有後方正在理髮的顧客,披在身上的白袍,當然還有室外的陽光,絲毫不帶點含糊!

服了,高手玩野、不外如此!

除此之外,還有:


這場櫻花樹下散步的戲,顏色簡直豐富到暈!

玩顏色的,還有這場戲:


不單各人身上衣服的顏色五花百門,配上佈景內的多款擺設,完全令人目不暇給!

還有、看看他們手上的酒杯,不單每人拿的各異,


就連杯內飲品的顏色都不同(連粉紅色的酒都有),四個人就四種色!絕!!

這樣才能叫作高清,本地的製作何時才追得上呢!?

(註:那杯粉紅色的,應該是清酒來的,是真的有這種酒!)

說回之前講的字幕版,只能夠用“那埋一舊”去形容,

高清變低清,我估應該是加字幕時,使用的軟件影響吧!

總之是攞苦來辛!

演員方面,還是一貫的上野樹里最好,

其實此劇在劇本上是有些踩綱線之處,但叫一班青春偶像去演,無疑是強人所難,

尤其有某些人,當大眾的目光都集中在其胸部,而不是面部時,

試問她們有能力拿掐得準確嗎?

幸好的是,上野的演出扳回大部份分數!

劇情方面,還是遲些再談吧…

有興趣的,看些高清片段吧
(如果你看上面的圖片都是“那埋一舊”的話,那表示…你需要換過一部好些的mon!)


Online Videos by Veoh.com

Ahfour 發表在 痞客邦 留言(0) 人氣()

救命呀!

點解咁熱架?

我熱到連水都唔想煲!!

Ahfour 發表在 痞客邦 留言(0) 人氣()

近見報紙也破天荒談這套日劇。

自己也湊湊熱鬧…

其實嚴格來說我也沒“正式”看過。

只是在網上“窺探”過些片段。

雖然看的不多,但印象卻甚佳!

首先:上野樹里的演出是精彩的!

任誰都知她不是同志,

但演起同志來卻演得絲絲入扣!

其次;這戲的攝影真的很美,

每個鏡頭都拍得像圖畫般靚,看得人很舒服!

再其次:配樂絕對是這片的一大成功要素,

看了不足三分鐘,我已經成個冧晒,

然後情緒很容易就跟著走。

總括而言:這片成功的因素就是;

1)靚攝影、2)好配樂、 3)實力派演員

至於劇情嘛…因我睇的是無字幕版,

自己的日文程度亦未夠班,

所以無可奉告!

但我是推薦這片的!

自己遲些也會找個字幕版看。

Ahfour 發表在 痞客邦 留言(1) 人氣()


Online Videos by Veoh.com

Ahfour 發表在 痞客邦 留言(2) 人氣()


Online Videos by Veoh.com


Online Videos by Veoh.com

Ahfour 發表在 痞客邦 留言(0) 人氣()


Online Videos by Veoh.com

Ahfour 發表在 痞客邦 留言(0) 人氣()